Herzlichi Gratulation, dass du dr Wäg zum Internetschtall vom Wingertesel gfunda häsch, und a ghörigs I-ah I-ah I-ah! 

I bi d’Schaaner Fasnachtszitig und mi gits im Prinzip scho set 1922 (meh zu mira Gschecht).  I da letschta 100 Johr hani min Nama, mis Ussäha und min Karakter immer weder amol gänderet (Esel-Archiv).

Zuaständig bini unter anderem, da Lüt ir Fasnacht z’zaaga, was di vermeintlich seriösa Zittiga unterem Johr ned schriiba trauen. Halt eba a depplomatisch-bollitisches Organ för Schotzli und Toori.

Zum Glück bini ned alanig und ka uf d Reschärscha vo dr Bevölkerig im ganza Land zella. Sachdianlichi Hiwiis för guati Gschechta kasch mr uf info@wingertesel.li, per Diräktnochrecht i da soziale Media und uf WhatsApp schecka. Oder natürlich wenn mini Schtallpotzenda irgendwo siasch, denn schwätzisch eni afach grad a. D Gschecht muass nur wohr si und wenn sie a bezle loschtig isch, tuani mr o liichter. Danke diar!  

Allwäg kwösoo und bis schpöteschtens ir nögschta Fasnacht!